(ភ្នំពេញ)៖ នៅព្រឹកថ្ងៃទី២៣ ខែមករា ឆ្នាំ២០២៤នេះ អាជ្ញាធរជាតិប្រយុទ្ធប្រឆាំងគ្រឿងញៀន បានបើកកិច្ចប្រជុំពេញអង្គដើម្បីពិនិត្យ និងពិភាក្សាលើសេចក្តីព្រាងរបាយការណ៍ស្តីពីលទ្ធផលការងារត្រួតពិនិត្យគ្រឿងញៀនឆ្នាំ២០២៣ និងលើកទិសដៅ ឆ្នាំ២០២៤ ក្រោមអធិបតីភាពលោក ព្រុំសុខា ទេសរដ្ឋមន្ត្រី អនុប្រធានប្រចាំការអាជ្ញាធរជាតិប្រយុទ្ធប្រឆាំងគ្រឿងញៀន។

កិច្ចប្រជុំនេះ មានការចូលរួមពីលោក លោកស្រី ជាតំណាងក្រសួង ស្ថាប័ន សមាជិក អង្គភាពពាក់ព័ន្ធ និងលោក លោកស្រី ជាអគ្គលេខាធិការ អគ្គលេខាធិការរង ប្រធាននាយកដ្ឋាន/ប្រធានមន្ទីរចំណុះអគ្គលេខាធិការដ្ឋាន នៃអាជ្ញាធរជាតិប្រយុទ្ធប្រឆាំងគ្រឿងញៀន នៅទីស្ដីការគណៈរដ្ឋមន្ត្រី៕

(ត្បូងឃ្មុំ)៖ លោកបណ្ឌិត ជាម ច័ន្ទសោភ័ណ អភិបាលខេត្តតត្បូងឃ្មុំ តំណាងសម្ដេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា និងលោក ឆាយ វណ្ណា សមាជិកព្រឹទ្ធសភា នៃកម្ពុជា បានអញ្ជើញជាអធិបតី ក្នុងពិធីបិទការប្រកួតកីឡាបាល់ទាត់ ដណ្ដើមពានរង្វាន់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា ដើម្បីអបអរថ្ងៃជ័យជំនះ ៧មករា រដូវកាលទី៣ ឆ្នាំ២០២៤ នៅឃុំជំនីក ស្រុកក្រូចឆ្មារ ខេត្តត្បូងឃ្មុំ នារសៀលថ្ងៃទី១០ ខែមករា​ ឆ្នាំ២០២៤។

ក្នុងឱកាសនោះ លោកបណ្ឌិត ជាម ច័ន្ទសោភ័ណ បានលើកឡើងថា ការរៀបចំការប្រកួតកីឡានេះឡើង គឺដើម្បីអបអរសាទរខួបលើកទី៤៥ នៃទិវាជាតិជ័យជំនះ០៧មករា ជាថ្ងៃកំណើតទី២ផង និងក្នុងគោលបំណងបង្កើនចំណងសាមគ្គីភាព មិត្តភាព សុខភាព ផ្តល់ភាពសប្បាយរីករាយ ដល់យុវជន និងប្រជាពលរដ្ឋ។

លោកបណ្ឌិត អភិបាលខេត្ត បានបន្តថា រាជរដ្ឋាភិបាលកម្ពុជា តាំងពីអាណត្តិមុនៗ បន្តពីសម្តេចអគ្គមហាសេនាបតីតេជោ ហ៊ុន សែន អតីតនាយករដ្ឋមន្ត្រី និងបន្តមកអាណត្តិទី៧ ដែលមានសម្តេចមហាបវរធិបតី ហ៊ុន ម៉ាណែត ជានាយករដ្ឋមន្រ្តីនៃកម្ពុជា បានយកចិត្តទុក្ខដាក់ខ្ពស់លើវិស័យកីឡា ដោយបានលើកកម្ពស់វិស័យកីឡានៅលើឆាកអន្តរជាតិ និងតំបន់។ ក្នុងនោះវិស័យអប់រំកាយ និងកីឡា បាននឹងកំពុងដើរតួរនាទីសំខាន់ ជាយាន ក្នុងការអភិវឌ្ឍន៍សង្គម សន្តិភាព ដូចពាក្យថា «កីឡារស់ក្នុងសន្តិភាព»។ 

លោកបណ្ឌិត គូសបញ្ជាក់ថា កីឡានាំមកនូវសុខភាព សាមគ្គីមិត្តភាព បើគ្មានសុខភាព និងសន្តិភាពនោះទេ យើងមិនអាចលេងកីឡាបាននោះឡើយ។ ដូច្នេះហើយ សូមក្មួយៗយុវជន ក៏ដូចជាភាគីពាក់ព័ន្ធ សូមចូលរួម ជម្រុញ និងអភិវឌ្ឍន៍វិស័យកីឡា នៅក្នុងមូលដ្ឋាន សហគមន៍ ស្របតាមយុទ្ធសាស្ត្ររបស់រាជរដ្ឋាភិបាលថា «យុវជនម្នាក់ ត្រូវចេះលេងកីឡាមួយប្រភេទ ក្នុងមួយជីវិត»។

លោកបណ្ឌិត ជាម ច័ន្ទសោភ័ណ អភិបាលខេត្ត ក៏បានសម្តែងនូវការកោតសរសើរ ចំពោះគ្រប់ភាគីពាក់ព័ន្ធ ដែលបានចូលរួមសហការ ក្នុងការរៀបចំការប្រកួតកីឡា ប្រកបដោយជោគជ័យ។

ក្នុងឱកាសនោះ លោក ឆាយ វណ្ណា សមាជិកព្រឹទ្ធសភា និងលោក ហុក ពេជ្រហោះ អភិបាលរងខេត្ត តំណាងលោកបណ្ឌិត អភិបាលខេត្តត្បូងឃ្មុំ ក៏បានប្រគល់លិខិតសរសើរ ដល់ក្រុមការងារ អាជ្ញាធរមូលដ្ឋាន គណៈកម្មការដឹកនាំការប្រកួត និងប្រគល់ជូនជ័យលាភី ដល់កីឡាករ ជាប់ចំណាត់ថ្នាក់លេខ១ ដល់លេខ៤ អមដោយពានរង្វាន់១ មេដាយម្នាក់១ និងថវិកាមួយចំនួន ព្រមទាំងថតរូបអនុស្សាវរីយផងដែរ។

សូមជម្រាបជូនថា ឆ្លងកាត់ការប្រកួតយ៉ាងស្វិតស្វាញអស់រយៈពេល៥ថ្ងៃ ដោយមានក្រុមកីឡាករមកពីតាមបណ្ដាឃុំ និងក្លឹប ចំនួន២១ក្រុម ជាលទ្ធផលក្រុមជើងឯក លេខ ១ បានទៅលើ យុវជនប៉ើស២ , ក្រុងជើងឯករង បានទៅលើ រស្មីសន្តិភាពពង្រ១, ក្រុមលេខ៣ បានទៅលើ យុវជនខ្ពប២ និងក្រុមលេខ៤ បានទៅលើ យុវជនភូមិអំពិល៕

វគ្គថ្មីសម្រាប់បរិញ្ញាបត្រជាន់ខ្ពស់នៅសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច! ចុះឈ្មោះអនឡាញពីពេលនេះតទៅដើម្បីចូលរៀនផ្ទាល់ក្នុងថ្នាក់នៅថ្ងៃ២១ តុលា ២០២៣។ និស្សិតឆ្នាំទី៤ RULE គ្រាន់តែដឹងលទ្ធផលប្រឡងជាប់ភ្លាម អាចដាក់ពាក្យចូលរៀនបាន។ ចុះឈ្មោះក្នុងលីងនេះ https://docs.google.com/forms/d/1R9hzY623u5gSR6AAG-kphejnghVcg02VULuSPc7H2Xw/edit បានមុនថ្ងៃ១០ តុលា ២០២៣ និងធ្វើតេស្តនៅថ្ងៃ១១ ខែតុលា ឆ្នាំ២០២៣។ និស្សិតត្រូវបំពេញព័ត៌មានឲ្យបានត្រឹមត្រូវ ហើយមានតែនិស្សិតដែលបំពេញព័ត៌មាន ត្រឹមត្រូវទេ ដែលនឹងត្រូវបានទាក់ទងឲ្យធ្វើតេស្តចូលរៀន។ និស្សិតដែលត្រូវរៀនត្រៀម មិនតម្រូវឲ្យចុះឈ្មោះនៅ ក្នុងលីងនេះទេ។ បើចង់បានព័ត៌មានបន្ថែម សូមទាក់ទងគ្រូទទួលបន្ទុកថ្នាក់ដូចខាងក្រោម៖
លោកស្រី ព្រាប សុខកញ្ញា៖ ទទួលបន្ទុកថ្នាក់បរិញ្ញាបត្រជាន់ខ្ពស់នីតិសាស្ត្រ ឯកទេសនីតិឯកជន, លេខទូរស័ព្ទ៖ 012 283628
លោក ទេព បូណាវុធ៖ ទទួលបន្ទុកថ្នាក់បរិញ្ញាបត្រជាន់ខ្ពស់នីតិសាស្ត្រ ឯកទេសរដ្ឋបាលសាធារណៈ, លេខទូរស័ព្ទ៖ 016 787828
លោកស្រី ទូច កល្យាណ៖ ទទួលបន្ទុកថ្នាក់បរិញ្ញាបត្រជាន់ខ្ពស់ធុរកិច្ច ឯកទេសគ្រប់គ្រង និងហិរញ្ញវត្ថុ, លេខទូរស័ព្ទ៖ 077 919967

រីករាយនឹងពិព័រណ៍អប់រំឆ្នាំ២០២៣ របស់សាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច នៅថ្ងៃ១១ ខែវិច្ឆិកា ឆ្នាំ២០២៣។ មានការតាំងបង្ហាញ និងលក់ស្នាដៃស្រាវជ្រាវរបស់សាស្ត្រាចារ្យ សាកលវិទ្យាល័យផ្សេងៗ ធនាគារ ក្រុមហ៊ុនលក់អាហារ ភេសជ្ជៈ និងលក់វត្ថុអនុស្សាវរីយ៍ជាច្រើន។ លើសពីនេះ មានកន្លែងថតរូបអនុស្សាវីរយ៍ជាច្រើនកន្លែងទៀត។ 
សូមនាំបងប្អូន មិត្តិភក្តិ និងក្រុមគ្រួសារមកទស្សនាសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋ តាមមធ្យោបាយសាធារណៈឲ្យបានច្រើន តាមដែលអាចធ្វើទៅបាន!
សូមកុំឲ្យពេលវេលាដ៏សំខាន់នេះកន្លងផុត!